香港
台灣
北美

火雞姐700萬買70呎窩居!狄以達聽到O晒嘴

娛樂要聞 

網絡紅人火雞姐,即係丁可欣Yanki,嚟緊11月將會聯同歌手狄以達、演員鄧智堅、籃球女神方詠琳以及舞者楊樂文,一齊演出5場關於香港社會議題嘅舞台劇──HIHI大爆炸。
「今次呢個show好特別,我哋會有街舞元素,亦都會有喜劇元素,亦都有一個mean talk元素。咁咩嚟架呢HIHI大爆炸,因為香港人真係就嚟要爆,情緒上、生活上好多爆緊架喇,所以我哋嘅生活好緊逼。我哋好多嘢在戲中有好多唔同單元,有7個單元的故仔去講香港人的片段,去笑下香港好多唔正常的現象。」
例如有啲咩不正常現象?Yanki同狄以達就選擇用電視節目去介紹窩居樓盤,想睇就去片啦。

Yanki都算得上周身刀,跳舞、唱歌、拍片、主持又做埋舞台劇,唔知佢喺劇中仲有咩爆點呢?「我覺得我在舞台劇中都比較似我平時拍片做火雞姐的狀況,但我自己都開心,之前都參與過舞台劇,但係正正式式比較多演戲部份今次係第一次。」
換言之,即係火雞姐將會第一次做LIVE嘅Mean Talk?「呢個問題非常好,嚟睇就知架喇,啱啱我都提咗少少,係咪?(應該有啲驚喜發生。)少少啦。(LIVE嘅火雞姐會出現喎。)吓,呢個我唔知喎。」Yanki說。

更多 壹週Plus 文章