香港
台灣
北美

李亞男驚恐症入院 王祖藍心痛:我以為佢會死

娛樂要聞 

結婚兩年,王祖藍忙北上吸金,李亞男一度獨守空房,抑鬱情緒不穩,在家會無端狂喊,更試過兩度入院。其中她驚恐症爆發時,祖藍心痛又內疚:「以為心臟病發,以為佢會死,我好驚!」
李亞男婚後兩度入院,第一次是腸胃有事,當時祖藍身在內地拍劇集《哪吒》。
「亞男會無啦啦一個人喺屋企喊,入院嗰陣我唔喺佢身邊,佢喊得好勁!」祖藍說。
之後亞男接受輔導,情緒慢慢穩定下來,可是有天驚恐症突襲。
「佢飲咗少少酒同咖啡,心跳得好嚴重,以為心臟病發,成個人抽筋,呼吸困難。我見到佢都覺得好恐怖,飛車送佢去醫院,覺得佢好似隨時窒息咁!」祖藍憶述。
雖然情況嚴重,但向來照顧別人多於自己的亞男,仍努力令大家放鬆。祖藍扮她雙手屈曲抽筋樣說:「醫生問佢點,佢話抽緊筋郁唔到,好似閃電咁,好似《雷神》咁電到。醫生話要幫佢抽血,佢話我好想俾你抽,但我停唔到,唔好意思醫生,我唔係有心令你咁難打針,一個人去到咁嘅情況仲咁好禮貌。」
仍未止住抽筋,亞男在病榻上仍不忘為祖藍打點。祖藍大讚:「佢抽抽吓筋話,你聽朝要返工,有冇人叫你起身,打俾助手set番鬧鐘,你套衫擺咗喺第三格櫃桶,有咩辦法唔愛呢個老婆。」幸好醫生指亞男只偶發情況,現已沒事。
受亞男感染,自認火爆的他減少發脾氣,並推job留更多時間陪她。
「我最厲害一次係掟爛部電腦,但佢唔會發脾氣,堅持拗交係冇用。依家趁佢返加拿大探親或拍嘢,我就喺公司做通宵,佢一返香港我就早啲收工返屋企食飯,食完飯落樓下打羽毛球。」

【鄧萃雯走人 黎瑞恩唔簽】王祖藍:唔想因為工作冇朋友做
http://bit.ly/2xdgbi3

【攞綜援到億萬富戶】王祖藍被指變質:你有咗錢,呢個罪名好易加喺身上
http://bit.ly/2xQn4I1

更多 壹週Plus 文章