香港
台灣
北美

【趕住入場睇戲】曾國祥歎慢版 人有三急王敏奕谷到成肚氣

娛樂要聞 

王敏奕同曾國祥拍拖三年感情穩定,早排女方仲做埋跟得女友,同「老爺」曾志偉齊齊飛去泰國享受family trip。成功入晒屋,相信距離結婚又行前一大步!

早前呢對情侶難得放假,就行孖咇去數碼港拍拖睇戲。由於二人到達時電影已經開咗場,心急如焚嘅王敏奕就急急腳衝去買飛。不過買完飛都仲未見曾國祥現身,因為佢要泊低架車先至後join,仲施施然戴返頂帽,再慢慢行入戲院。

見到男友歎慢版,王敏奕明顯谷到成肚氣,一來心急入場,二來人有三急趕住去「放水」,唯有隊張飛俾少爺仔入場先,之後自己就衝入廁所,然後先再衝入場會合男朋友仔。

更多 壹週Plus 文章