香港
台灣
北美

【難忘Stephy?】葉念琛新戲蘇麗珊飾演阿寶 男主角方力申唔吼

娛樂要聞 

葉念琛新作《愛情奴隸獸》男主角小方不變,而阿寶依然喺度,不過就唔再係Stephy喇,換成蘇麗珊飾演。

由《獨家試愛》到《十分愛》,再到之後嘅《我的最愛》同埋《紀念日》,今年葉念琛再開拍愛情小品,但小方同Stephy都講過要暫停合作避免尷尬,所以阿寶換咗由蘇麗珊飾演。相信呢個阿寶唔只觀眾睇唔慣,就連小方都好似唔多適應,因為《壹》仔早前喺何文田見到佢哋為新戲開工,對住呢個阿寶,小方明顯顯得生保,除咗埋位有接觸之外,其餘時間你有你玩手指,我有我講電話,甚至完成個shot之後就即刻向左走向右走添。

話晒蘇麗珊係葉念琛相中嘅新阿寶,嚟緊小方應該仲有好多機會同佢合作,睇嚟佢哋都要好好培養下默契同感情至得。

更多 壹週Plus 文章