香港
台灣
北美

小春雞發燒尿道炎 黎諾懿夫婦帶仔睇醫生

娛樂要聞 

黎諾懿高大有型,份人又搞笑,就連生個仔都同老豆一樣好多嘢講,而且小春雞(黎峰睿)仲愈大愈靚仔,已經儲落唔少粉絲!
可惜小春雞近排唔舒服慘慘豬呀,又發燒又尿道炎,心痛死人喇。尋日《壹》仔仲撞到黎諾懿兩公婆,帶埋小春雞去睇醫生添。

「(同小春雞出嚟行街呀?)睇醫生呀,尿道炎。(會唔會少啲帶佢出街呀?)無辦法呀,今日一定要帶佢出嚟睇醫生。好啦,辛苦咁多位喇。」

又唔使咁擔心嘅,睇黎諾懿兩公婆面口,就知小春雞無咩大礙啦,佢哋都話小春雞已經退咗燒,今次只係去診所覆診咋。之後黎諾懿都有喺IG post相留言,話小春雞病咗四天,終於生猛番少少,可以安樂啲喇。

更多 壹週Plus 文章