香港
台灣
北美

【同洗米華遊台另有其人】松岡澄清唔係佢:請勿將我捲入遊戲中

娛樂要聞 


尋日洗米華喺台北返港,見記者繼續封口,狂按電話send短訊。


松岡澄清身在香港,睇嚟跟洗米華現身台北的女仔另有其人。


同洗米華有緋聞,松岡即劃清界線話唔會搶人老公。


早排因為同松岡緋聞,洗米華要飛去英國向Mandy解畫。

同洗米華傳過緋聞的松岡李那,早排返港即劃清界線,話唔會做搶人老公的事情。

而前晚傳出人在台北,入住W Hotel的洗米華,俾人見到同行的還有一個疑似松岡李那的女仔。那女子好避忌,一支箭先飊入酒店。

尋日(14/7)中午,洗米華單拖返港,一見記者更狂篤電話send message。而當晚松岡在facebook澄清,話唔好將她捲入遊戲中,仲話:「係咪想我公開護照?」

而其經理人王友良亦稱,當晚松岡約了一個主持人朋友Toby食飯,人在香港,所以現身台北的女仔,唔係松岡李那。

咁同洗米華去台北,仲要鬼祟入W Hotel的女子係另有其人!

更多 壹週Plus 文章