香港
台灣
北美

屈穎妍大變臉 《壹》仔筆神變親共藍絲

時事要聞 

從前有一個記者雄心壯志,1995年以旅遊為名潛入福建,可惜佢唔小心俾人揭發咗,話佢非法搜集中國軍事機密,最後被驅逐出境。佢當時喺傳媒界都十分出名,仲有筆神之稱。估唔估到佢係邊個呢?佢就係出哂名愛國愛港又撐警嘅專欄作家屈穎妍喇。二十年前,佢其實係《壹》仔嘅一分子嚟㗎。

屈穎妍近年政治立場一百八十度大轉變,唔單止幫689寫本叫《這個特首不太冷》嘅書,更長期發表備受爭議嘅言論,例如雨傘運動期間七警暗角打鑊事件,佢認為「警員要面對長期的情緒壓抑,爆發是遲早的事」,之後仲表示「是因為不想教,更因為不懂教」,辭去浸大新聞系兼職講師一職。

佢嘅出位言論唔只咁少:一三年寫「除了粗口,我們真的沒東西值得拍掌歡呼嗎?」,但係出席撐警集會聽到阿sir爆粗就拍就拍爛手掌;前年,警方拉錯一名智障自閉男子,指控佢涉嫌誤殺,屈穎妍又為阿Sir護航,大讚警方表現係完美保障受害人;話恥與明報為伍,罷寫專欄;林慧思事件;廢青芭蕉扇事件;撐七警言論,指責曾健超一個人渣毀咗七段人生……

有曾經同佢共事過嘅《壹》仔同事話,當年十分尊敬呢個前輩,對佢呢幾年突然變面都深感困惑,仲話好失望添。

撰文:巫不言

相關連結:
【反擊屈穎妍】司法覆核好好搵? 法界男神:法援案收費打六折
http://bit.ly/2tH7fDg

法援制度遭抨擊 資深大狀戴啟思:仍相信本港司法制度
http://bit.ly/2t2tO6A

更多 壹週Plus 文章