香港
台灣
北美

【兩地大不同】港府唔支持舞獅 練鼓被投訴 強國要人有人要錢有錢

時事要聞 

相關連結:
【「夏國璋」北上搵銀】一場Show香港兩隻VS內地廿隻獅 掌舵人:港人孤寒
https://goo.gl/S12ux4

【多圖】「夏國璋」南獅向北舞 發展還是敗壞?
https://goo.gl/JcB82v

【夏家變色龍】由荷蘭水蓋到三個政協 一代不如一代?
https://goo.gl/65d7zZ
______________________
《壹週刊》周四娛頭 :
【分手內情】洪永城三度偷食蔡思貝 唐詩詠忍無可忍
https://goo.gl/NyJBqo

人,是龍獅團的基本。夏敬文兩夫婦為吸引新血,為龍獅學員加入分級制,分成六級,每年會以評核和日常表現決定晉升,八千月薪的見習學徒,最快可以在四年內升到月薪逾三萬的專業演員,增加學員動力。不過在香港,始終有青黃不接問題,窒礙「夏國璋」的發展:「香港十年前出去比賽攞獎嗰幾隊冠軍,十年後其實都係同一班人。」

夏敬文除了歸咎於很少香港年輕人願意全職練習,難以培養人才外,亦怒斥政府忽視龍獅文化:「我哋早幾日去咗台灣金門比賽拎咗第一名。政府冇俾支持,唔會有人宣傳、有人講。想租康文署場地練習,都會話唔符合使用條例。」夏敬文指,就算其龍獅團躲在火炭工業區練習,亦經常被投訴:「早幾日就有環保署、警察,上去我哋個倉,話嚟錄分貝,太嘈。點知搵唔到,其實今次係隔籬倉打鼓,都當係我哋。」相反回到國內,最不缺乏的就是人:「我哋嗰日同少林寺接洽,佢話可以搵二千人跟我學舞獅,全部可以跳樁,揀到最後嗰二百人就係精英,都仲可以分十隊……佢呢啲叫做『跌不死』,跌死一個都一定有下一個補上。」

除了進軍內地外,「夏國璋」近年更銳意商業化。除了將表演收費定於比同行貴一半,以高端客戶為主要目標外,更在內地成立了「夏國璋(上海)文化傳播有限公司」,負責接洽內地生意,同時兼辦展覽和公關服務,甚至以「夏國璋」名義推出關節保健品賺錢。表演亦漸漸脫離傳統,在獅頭、獅尾加上LED燈,甚至在表演時跳Hip Hop。商業味日益濃厚,是否令龍獅表演變得不倫不類,見仁見智。

撰文:關冠麒
攝錄:葉漢華 林金展

相關新聞

更多 壹週Plus 文章