香港
台灣
北美

中環寸嘴》西洋文化沉淪 復活完蛋

時事要聞 


四季酒店個大堂地方如此寬敞,得隻風車復活蛋,以為去咗車公廟,不合比例。


巡迴過香港多間頂級酒店,都係半島酒店識搞吓復活節氣氛。


文華酒店Bakery退晒步,仲賣$32一個。


四季酒店廚房預備好都冇攞出嚟招呼食客應節。


半島酒店橙皮點綴夠搶眼。


Ritz-Carlton味道最正宗。

復活節假第一日Good Friday,走到四季酒店lounge歎個早餐,洋人好着重復活節嘛,啲侍應都唔識得攞啲「Cross Bun」——十字包招呼吓來應吓節,真係谷鬼氣,要叫先識得攞出嚟,仲話廚房已經做咗喺度!都唔識得睇實時節去做嘢。環顧香港幾家頂級酒店,係半島酒店最有節日氣氛,話晒仲係嘉道理家族管理,文華酒店個Cross Bun都退晒步,仲賣三十二蚊一個!巡迴咁多間頂級酒店,Ritz- Carlton個Cross Bun方為最正宗,橙皮、肉桂味夠香,我喺天龍軒食晏,個副經理都由西餐廳「班」三個過嚟我試,咁為之今時今日service,否則淪為order taker。

唉,香港點做國際化城市?家陣咁搞法,香港只係淪為中國其中之一個省市,我哋呢啲港英餘孽真係睇唔順眼,有次去叫做全港最高級英式會所晚餐,個captain介紹甜品時,唔知係咪training問題,叫啲Pâté de fruit(法式軟糖)做啫喱喎,唉,嚇到我吖,要當場指正佢,食完餐晚飯,就知道香港西洋文化已經沉淪緊!

撰文:楊國佳

更多 壹週Plus 文章