› 選擇地區
三藩市
紐約
洛杉磯
其他美國地區

請廿七歲仔食飯 B哥哥相機食先

娛樂要聞 

B哥哥同大仔鍾嘉浚兩仔爺約埋食日本菜,睇落陽氣十足,但都會見到有女性舉止, 就係相機食先喇。嘢食一到,阿仔想起筷,但B哥哥要影相先。之後見阿仔已經鯨吞緊,但B哥哥仲喺到撳緊電話,斷估唔係要較埋effect啩?

《壹》仔見佢哋兩父子一路食,甚少交談,直到B哥哥拎張卡出嚟買單之後,大家先開始講多兩句。除咗埋單,B哥哥呢晚仲要做埋司機,明顯係廿四孝老竇,但個仔都已經27歲,照計應該做咗幾年嘢,呢餐飯由阿仔請老竇,好似較為恰當。

或者老竇成日出show搵錢比較多,加上兩父子,費事計咁多啩。不過B哥哥都64歲喇,日前去澳洲雪梨演出仲整傷腳添。阿仔,係時候諗下幫老竇減輕負擔喇。

相關新聞

更多 壹週Plus 文章