香港
台灣
北美

【細仔Avner出咗世】大仔勁活潑周圍走 周汶錡𠌥低身捉仔

娛樂要聞 

Kathy(周汶錡)宣佈細仔今日下午出世,同上一胎一樣都係開刀生,BB重7磅8磅,個名叫Avner,在幾日前就見她買定BB用品,她帶埋囝囝Jacques去銅鑼灣,幫細佬買定衫仔,歲半的Jacques生得勁精靈,咬住個奶咀,在鋪頭𥚃面走來走去,工人姐姐想捉他都捉唔住,好活躍好得意。

之後Jacques仲攞住鋪頭隻毛公仔,走出去鋪頭外面,好彩啲Sales姐姐冇話佢未俾錢咋,由於囝囝周圍走,連工人姐姐都捉他唔住,Kathy唯有親自出手,不理自己粗身大細,都照樣彎低身去捉住囝囝,叫他唔好再周圍走。

臨走時Jacques繼續攬住隻公仔唔放,見到囝囝如此鍾意隻公仔,Kathy都肯買俾Jacques,要氹一輪Jacques先肯乖乖將公仔還給Sales姐姐。

敎小朋友係唔可以寵壞,但係Jacques得意到又人見人愛,Kathy都可以把持得住,沒有給囝囝嗲暈,識得應買則買,看來Kathy已經湊仔湊得好上手。

相關新聞

更多 壹週Plus 文章