› 選擇地區
三藩市
紐約
洛杉磯
其他美國地區

【世人笑佢太瘋癲】唱作歌手若琪醫媽咪冇晒錢 停工成年出番嚟撈

娛樂要聞 

2017年已經過咗三個月,但對唱作歌手若琪嚟講,今年先係新開始。舊年若琪媽媽不幸中風,做女嘅,就停工一年照顧媽咪。 積蓄用晒,今年就要拋番個身出嚟做,全力搵錢。 新歌《世人笑我太瘋癲》新鮮上架幾日,究竟邊個瘋癲?

若琪嘅重生,由日前一個微電影計劃嘅頒獎禮開始,佢攞咗最佳女主角。若琪之所以忽然睇開咗,最主要原因都係媽咪。事關王媽媽入住ICU昏迷個半月,因為數度左腦缺氧,而變成中風,右半身癱瘓,同時失去講嘢同書寫嘅能力。舊年若琪全天候照顧媽咪,難得王媽媽意志力驚人,已經有番笑容,仲食得瞓得。媽咪好轉,若琪就要出番嚟撈,搵錢呀!

早幾日,若琪嘅新歌《世人笑我太瘋癲》新鮮上架。至於其他日子,佢會教學生彈結他,唱吓商場,唱吓酒吧騷,自力更生。

更多 壹週Plus 文章