香港
台灣
北美

王祖藍兩母子拍應節MV 阿媽堅係好戲王

娛樂要聞 

王祖藍送俾媽咪嘅母親節禮物《要我幸福》,喺今日母親節出街嘞!呢個MV祖藍拉埋阿媽母子檔一齊拍。估唔到祖藍攪笑兼好戲嘅DNA係嚟自佢阿媽。事關媽咪一開波,喺張飯枱同阿仔嘅對話,及兩母子跳扇舞,都充份發揮攪笑天份,而最強之處,仲係攪笑完下一幕就要傷感流淚,祖藍媽眼角滴下眼淚,自然流暢,聞說祖藍媽拍呢場喊戲仲係一take過,表現搶晒阿仔鏡。

面對咁強嘅對手,有番咁上下功力嘅祖藍,點都識得幫自己搵亮點位。一條虧佬褲,大晒巨鵰,真係個子小小的,總有瓣係大嘅!

為拍呢個MV,祖藍全家總動員,MV監製係舅父,即亞視前高層冼偉智,至於片中出現嘅路人甲乙丙,統統都係祖藍親戚。有笑有淚嘅母親節MV,其實有心嘅祖藍想帶出好多仔女在年輕時唔識珍惜母親嘅愛護,反覺係煩,長大後此明白母愛嘅偉大,希望大家懂得珍惜親人。

相關新聞

更多 壹週Plus 文章