香港
台灣
北美

艷尼釋智定大開買戒 翁靜晶:好得人驚呀

娛樂要聞 

被翁靜晶連番爆大鑊的大埔定慧寺女住持釋智定,荒謬至極,向入境處聲稱與丈夫釋智光為真心相愛的「真正夫妻」,成功避過「假結婚」的偵查,獲無條件釋放。 暫時甩難,潛水無影多時的釋智定,近日再度現身。本月15日(週五)在前定慧寺董事兼會計的江博文陪同下,口罩、帽,全副武裝上陣在ifc出巡,去完連卡佛掃貨,約埋江的女友直落去正斗醫肚,枱面有菜有肉。

披住出家人的面具過着奢華生活的釋智定,日前被翁靜晶又再踢爆艷尼夫妻繼續巧立名目,叫人付錢超渡,實際為自己荷包進賬。對於釋智定喬裝普通人行ifc,翁靜晶大為驚訝:「吓!唔係啩,癲㗎!佢今次有冇著皮靴戴假髮?點解你哋咁都認得佢?」(釋智定是否行蹤不明?)「我哋經過調查,定慧寺後山有條路,可以不經前門走到!呢個係佢哋(釋智定)一個走落山的渠道,我哋有人住喺佢對面mon住,又有傳媒喺佢大雄寶殿對面租咗間屋,都見唔到!」被人全天候監視,都有本事甩身至中環開心shopping,艷尼釋智定絕不簡單!


去正斗醫肚,枱面有菜有肉。


相關新聞

更多 壹週Plus 文章