香港
台灣
北美

半裸男舔手索腳 黑絲盧覓雪辣舞濕晒

娛樂要聞 

造型師Alvin Goh搞生日P,請到鄧麗欣、方力申、吳雨霏、黃婉君等星到場,仲有女神盧覓雪做主持添。

來賓都嚟到九九十十喇,但主人翁仲未現身,搞到雪雪要犧牲色相,同一班大隻、裸上身舞猛男跳貼身辣舞娛賓,兼「攝」時間!挽鞋、聞腳、玩冰、舔手,搞到雪雪隻手濕晒,呢班猛男真係識食!我嘅雪雪女神無喇!

好嘢係要公諸同好,一齊分享嘅,所以雪雪都想拉埋兩位人妻--吳雨霏、黃婉君落水,不過佢兩個就耍手兼擰頭,死都唔肯high埋一份,但就坐埋一二邊睇到不知幾興奮囉!

Alvin Goh終於孖住步姐兩公婆姍姍來遲,足足廿分鐘呀!遲成咁,佢都算得上大牌!不過今次算數啦,話晒佢先係主角,而且又有巨星步姐陪住,唔同佢計啦。

更多 壹週Plus 文章