香港
台灣
北美

隔牆有耳:司馬文為反Formula E解畫 - 李八方

專欄專論 

司馬文 資料圖片

之前有報道話,中環海濱年底會舉行第二屆電動車方程式賽車錦標賽(Formula E),不過,海濱事務委員會成員、南區區議員司馬文就喺海濱事務委員會港島區海濱發展專責小組會議上反對,話會鼓勵使用私家車甚至令南區出現非法賽車問題。報道出街後好多網民質疑司馬文呢個係乜嘢邏輯,搞Formula E點可能同非法賽車有關係?
有網民為此寫咗封電郵畀司馬文問佢點解,點知司馬文好快覆佢話個報道有偏差,其實佢反對嘅主要原因,係佢一直要求政府擴闊中環海濱行人路同搞綠化,等市民可以享用到中環海濱,但政府畀錢搞Formula E,都唔肯搞好海濱行人路,至於點解同非法賽車有關呢?司馬文話佢都係因為以往警方報告話,澳門舉行賽車前,香港非法賽車就增加,點知傳媒就煲大佢呢個point!