香港
台灣
北美

隔牆有耳:卿姐回歸立會撐689「德政」 - 李八方

專欄專論 

劉慧卿

冇做立法會議員後,白鴿黨前主席劉慧卿甚少現身立法會,不過下周二卿姐將罕有「回歸」立會,不過今次就唔係用議員身份,而係以巿民身份喺會議發表意見。原來立會《2017年僱傭(修訂)條例草案》委員會下周二開公聽會,聽市民同相關團體對草案意見,八方記得當年卿姐退出議會時話,佢跟開議題會繼續跟,外傭權益正正係佢長年關注嘅一個議題。
卿姐同八方講,呢個條例草案係689任內非常罕有嘅德政,今次係想支持政府,若成功修例,中介公司濫收外傭介紹費嘅最高罰款,將由過去5萬元變成35萬元,仲隨時坐3年監,認為政府嘅修例做得咁辣係因為條例太多漏洞,相信今次修例對無良中介公司有阻嚇作用。卿姐今次仲以巿民身份寫咗份意見書畀立法會秘書處,貫徹佢做議員時一絲不苟嘅作風。