香港
台灣
北美

隔牆有耳:薯片叔出閘做DJ又遇紅燈? - 李八方

專欄專論 

商台早幾日po咁段宣傳片上fb,片中薯片叔仲扮on air㖭呀!短片截圖

早排前財爺曾俊華神神秘秘咁出片,話會有新搞作修補社會,但一直未見佢有乜行動,到前日商台出片,話薯片叔叔會喺商台開咪,主持新節目《薯片鬚MUSIC》,節目逢周日晚上10時至11時播出。
其實薯片叔叔好鍾意聽歌,所以當年佢份預算案一定有一兩句流行曲歌詞,憑歌詞寄意,不過八方記得薯片叔叔講過,佢最熟係佢年代嘅歌,新歌就冇乜印象,當年佢喺預算案引咗蘇芮嘅《憑著愛》歌詞,但唔知係咪年代太久遠,有後生記者讀錯蘇芮個名。
商台話薯片叔叔休養生息,唔代表游手好閒,只是「擇善而行」,形容佢今次久休復出,會通過音樂分享事業、家庭、生活。不過薯片叔叔今次開咪,就仲未見前任行政長官及政治委任官員離職後工作諮詢委員會公佈批唔批。