香港
台灣
北美

【尋人啟示】新興日馬之王係佢!
聯同四駒再顯威風

體育要聞 

華人練馬師羅富全俾馬迷叫得做新人王,皆因呢位今季新開倉嘅練馬師似足佢舊波士蔡約翰嘅手法,採取重田輕谷嘅方針,於季內頭六次沙田日賽均見到佢嘅戰馬跑第一。

雖然今期日馬跑周六(14日)而非周日,但相信都唔會影響呢位今季新人王嘅部署,阻止唔到佢連續第七次日賽行入凱旋門嘅成就。

唔好睇小羅記呢期只出四匹馬,陣容似乎比較單薄,其實佢今季報名一直都以精兵制出擊,而且呢次亦有唔少實力馬列陣,當中角逐第七場三班泥地1200米的「威風霸皇」正是表表者。

上仗「威風霸皇」喺柏寶胯下於最後直路俾「魔連奴」嚴重受阻,立即抽返出嚟望空後,都可以造出全場最快末段時間。即使最後跑第5名未能上名,皆因陣上意外影響,並非人馬嘅冇實力。

今次轉場跑泥地亦都冇問題,上季最後一仗就喺泥地1200米沿途蝕到嘔,都追到一席亞軍,明顯「威風霸皇」泥草皆能嘅馬,今仗補中真係好大機會。