香港
台灣
北美

果然有皇帝風采!
沿住C欄跑 居然識贏唔識輸

體育要聞 

禮拜六(14日)沙田七草三泥賽事,草地用C欄作賽,睇番最近9月10日同一移欄賽事,當日雖然有「歐洲巨星」、「七彩」及「平湖之星」擺前贏馬,不過全屬賽力較高之大熱門,反而其餘場次差不多由居中後上馬包辦頭馬,如「津津樂道」、「電訊大炮」及「君臨大地」等,故此靠後勁食糊馬絕對不能輕視。

今戰列陣馬中,頭場「神電金剛」跑田C欄曾兩勝,亦是全場唯一贏過此移欄之參戰馬,憑較佳場地性能有力食頭糊。第三場「皇帝誥令」兩次跑田C欄都未輸過,有權回復好表現。

至於三場泥地俱跑1200米,今季五場同程之放頭馬最差都跑第四,證明放頭跑點都着數啲,第四場「勇冠多」、第七場「老友記」及第九場「花月流星」等擅跑泥地之快放馬可優先留意。