香港
台灣
北美

中環在線:恒大捐錢夠落力 - 李華華

財經要聞 

許家印啱啱做咗胡潤百富榜中國首富,原來佢連捐錢都係中國第一。資料圖片

恒大(3333)主席許家印啱啱做咗胡潤百富榜中國首富,原來佢連捐錢都係第一。企業慈善捐款基金會噚日公佈2016年「香港上市公司捐款排名」,排第一嘅恒大舊年捐咗17.98億,佔集團利潤9.13%。

基金會數據顯示,2016年一共有881間主版上市公司捐錢,共捐出127.65億元。以地產與銀行企業捐得最多。排名方面,恒大排第一,其他捐錢最多嘅公司,排名先後係滙控(005)捐10.62億、中國神華(1088)捐8.84億、嘉能可(805)捐6.51億同騰訊(700)捐6.37億。
基金會聯合創始人葉建剛話,雖然舊年主板公司捐多咗錢,但仲有48%公司冇捐錢。佢希望呢個捐款排名可以畀上市公司參考同行捐款額,做多啲慈善,關注多啲社會企業責任。

李華華


企業慈善捐款基金會創始人葉建剛(中)。李潤芳攝