香港
台灣
北美

《G-1》首仗打到對手變豬頭
何慈茵四強賽戰巨人  

娛樂名人 

【蘋果》專訪】中英混血兒何慈茵(Charlene)出身洪拳世家,今年再度挑戰ViuTV綜合格鬥真人騷《G-1格鬥會》第二季,第一季挑戰賽輸給郭思琳失去金腰帶,對於第二季,Charlene在接受《蘋果》專訪時表現得充滿信心:「我仲有乜嘢可以輸箒,唔緊要啦!贏又好,輸又好,我𠵱家都返咗嚟啦!」


Charlene直言拳腳冇眼,更質疑對手冇防守。


出身自洪拳世家的Charlene身手非凡。


Charlene不時鍛煉,保持最佳狀態。


Charlene及其他參加者挑戰《G-1格鬥會》第二季。

資料圖片

「讓佢係侮辱佢」

早前Charlene在日本進行第二季第一場比賽,對戰女特技人蔡嘉燕(Mon),事後對方在網上大呻被Charlene狂毆百拳,慘變豬頭,又暗寸Charlene賽前詐病,她反擊說:「如果讓佢,我覺得侮辱咗佢。拳腳冇眼,好難避免唔受傷,加上比賽搶分係攻擊頭部。Mon姐嘅背景好強,學咗十幾年空手道,又係教練、專業特技人,論背景,佢比我有過之而無不及。佢有咁豐富嘅武術底子,我冇諗過比賽時佢唔作出適當嘅抵擋。佢話我過百拳只打眼,如果係真嘅話,點解佢唔作出防守,咁易畀對方打到同一個地方咁多次,我一直只係認真對待每一場比賽,唔通咁都有錯?」


蔡嘉燕早前在網上貼圖,大呻被Charlene狂毆百拳。

對手重20KG

進入最後四強的Charlene,下一場賽事對手余智嘉身形龐大,她說:「對手實力超凡,對我嚟講係一個好大嘅挑戰。其中一位對手重我20公斤,教練都極度反對我應戰,體重差別太大,冇可能對戰,仲會好危險。但答應咗參加呢個節目,唔想輕易話退出,𠵱家要爭取時間積極備戰。」
採訪:羅慧敏 
攝影:沈健程
場地提供:Pow Muay Thai and Fitness