香港
台灣
北美

老婆擦得 周柏豪等做老竇

娛樂名人 

【爆相爆片】周柏豪下月踏入33歲,去年11月結束十年愛情長跑,在布吉秘娶圈外女友Stephanie,快踏入結婚一周年,柏豪疑似造人成功,被讀者張小姐透過《蘋果》「爆相爆片」分享其妻肚凸凸的近照。


周柏豪太太穿上鬆身恤衫肚凸凸,孕味甚濃。讀者提供圖片


Stephanie(右)胃口甚好,與周柏豪邊食邊傾。讀者提供圖片


臨走前Stephanie(右)拿着點心卡睇單。讀者提供圖片

「唔覺肥咗」

日前讀者張小姐在電話表示,上周三在觀塘的麗東酒店偶遇柏豪夫婦跟友人午膳,柏豪老婆的胃口甚好:「嗰日大約下晝兩點半見到佢哋,食到差唔多4點先埋單走人,我見佢太太一邊食嘢,一邊同柏豪傾偈,反而柏豪就冇乜食嘢,多數係聽老婆講嘢。可能因為嗰陣係lunch時間,所以有啲避忌,走嗰陣都係前後腳咁傾偈,唔算好親密。」
不過,柏豪老婆站起身離去時,雖然着了鬆身恤衫,卻肚凸凸孕味甚濃,張小姐說:「睇落最少有咗四、五個月。」本報致電恭喜柏豪,他卻否認老婆大肚:「唔係啦,可能佢着啲衫大大件件,𠵱家潮流係興所有嘢都大件嘛。」問到老婆是否幸福肥?他說:「幸福就梗啦,但肥咗就唔係好覺,所以冇咁嘅事,多謝大家關心。」有否計劃何時造人?柏豪表示:「做好自己嘢再諗,呢啲真係要睇緣份。」


周柏豪不時大晒肌肉,狀態相當好。資料圖片

儲奶粉錢

柏豪坦言很少時間在港,每個月都要返內地做一至兩場巡唱,現時又要拍電視劇,他說:「真係想爭取多啲時間做好工作先,令到日後所有條件、環境都更加扎實先進行呢樣嘢。」問到是否要儲粉奶錢?他說:「係啦!奶粉錢又儲,乜嘢都要儲,唔心急生BB。」
採訪:皓騫、唐心悠

相關新聞