香港
台灣
北美

隔牆有耳:十‧一煙花有立體心
23分鐘燒1,300萬 - 李八方

專欄專論 

〈愛在香港〉有立體心形煙花,唔知出到嚟會唔會走樣?

做香港特區嘅中國人有乜好?多煙花睇囉!新年有煙花、回歸有煙花,當然唔少得十‧一都有煙花!
下月1號就係中共建政68周年,特區政府點可以怠慢?所以由民政事務局統籌、各區工商聯贊助十‧一煙花,特別之處係今年首次有立體心形煙花。唔鍾意睇煙花?可以諗吓,用23分鐘燒咗1,300萬,仲唔夠壯觀?
今年嘅煙花有8幕,包括〈啟航〉、〈同舟之情〉、〈勝利雙手創〉、〈旅程〉、〈茉莉花〉、〈愛在香港〉、〈閃耀全城〉同〈歡天喜地〉,當中〈旅程〉嗰幕有慶中秋嘅含意,因為會有個象徵明月高掛嘅「金色魔法圓球」喺維港上空出現。而〈愛在香港〉嗰幕仲犀利,直頭係立體嘅心形煙花喺維港上空爆發,代表用心聯繫所有人喎。