香港
台灣
北美

近萬元iPhone X 炒價料上3萬
先達店主備千萬元掃貨

要聞 

【本報訊】新iPhone上巿,又是港人年度炒機日子;但蘋果今次一口氣推出3款新機,遲一個月發售的10周年紀念版iPhone X,痛擊另兩部新機iPhone 8及8 Plus,出現「自己打自己」局面。旺角先達一眾手機店炒家及香港資訊科技商會榮譽會長方保僑均認為,有「珠玉在後」的iPhone X,「無乜特別」嘅iPhone 8及8 Plus變成雞肋,隨時炒燶;以人臉辨識(Face ID)招徠的iPhone X,則可較原價炒高2倍至3萬元。
記者:蔡朗清 溫婉婷
忠實果粉方保僑坦言,每年蘋果有新機均會第一時間換機,但今年無意換新推出的iPhone 8 ,「無論外形同功能同7冇乜分別,我都唔會盲目咁換機」。他說,加上蘋果稍遲一個月推出10周年紀念版iPhone X,「話晒係紀念版,又有新功能,我當然係買iPhone X,相信大多數果迷都係咁諗。睇唔通蘋果銷售策略,自己打自己」。


蘋果昨日公佈3款新iPhone,先達有商店提供預訂iPhone 8及8 Plus。何柏佳攝


新iPhone支援擴增實境(AR)。美聯社


今年不設退貨增風險

方分析,iPhone 8或炒一日就完,極其量較原價炒高一千幾百,料炒家不會為蠅頭小利冒風險。iPhone X雖索價近萬元,但料能炒高兩倍,「根據iPhone 7 Plus鋼琴黑嘅經驗,iPhone X有可能炒到3萬蚊一部,一啲都唔出奇。你話會唔會炒高3倍至4萬,要視乎當時貨量,同埋內地需求」。
本報昨走訪旺角先達廣場多間手機店查詢,流動通訊帝國負責人阿基稱,「iPhone X一定炒得起!預計(每部炒價)會較定價高1至1.5萬元。第一水後價錢會回落得好快,建議買到就盡快放」。他又透露,已預留200萬至300萬元入貨,更指有店舖會留逾千萬元入貨。他指iPhone 8明顯較輸蝕,「我覺得iPhone 8初初出都有幾百蚊水位嘅,頂盡1,000蚊。但可能一水就炒完」。他提醒炒家今年不設退貨,入貨前宜小心行事。三禾電器負責人Simon更指,iPhone 8有機會跌破原價。
壹訊負責人阿羽稱,iPhone X「無home掣又可以面部解鎖,係𠵱家所有嘅iPhone都做唔到」,明顯有驚喜,「炒價可以去到2.1至2.2萬,有1萬蚊水位」。
記者現場所見,大部份店舖都只接受iPhone 8查詢及預訂,暫未見iPhone X價表。有不願上鏡的負責人稱,因iPhone X較遲推出,「又唔知幾時有貨,費事擺出嚟」。
電訊商3香港本月22日與蘋果同步推出蘋果最新產品,明日(15日)下午3時起接受網上預訂,但暫未有詳情。

市民心聲

王小姐:
「iPhone X價錢太貴,即使手機壞咗都冇轉換打算。」


Michael:
「會買iPhone X,定價合理,中國有好多有錢人,對佢哋嚟講並唔貴。」


相關新聞