香港
台灣
北美

求驗客手記:戴偉浚做觀眾貝利又輸

蘋果波經 

英格蘭甲組足球聯賽,有香港球員戴偉浚效力嘅貝利喺補時階段有球員射失12碼,作客以2:3不敵費列活特。戴偉浚今仗未有被領隊李爾奇勒列入比賽名單,只能做觀眾。費列活特前鋒馬爾富拉喺22同28分鐘梅開二度,替主隊領先2:0。貝利喺31分鐘先由前鋒碧福特建功,加上祖舒羅倫44分鐘士哥,完半場前追成2:2平手。易邊後,費列活特由另一名前鋒艾殊利亨特取得入球,再度領先。眼看又再輸波之際,貝利補時五分鐘獲得一記12碼,可惜碧福特越楣高出,最終輸2:3完場,自季初首戰戴偉浚有份後備上陣、主場1:0擊敗華素爾嘅揭幕戰後,已經喺各項賽事連續七場不勝,當中更輸咗六場。