香港
台灣
北美

中環在線:萬桐園上市急到呢…… - 李華華

財經要聞 

萬桐園搞IPO記招,竟然無準備到最重要嘅招股書,林冠輝(右)話夜啲就有。范穎琛攝

生老病死係人生必經階段,所以殯葬生意都有得做,繼福壽園(1448)之後,又一殯葬股-萬桐園(8199)準備上市,不過奇就奇佢今日招股,但噚日搞IPO記招時,竟然無準備到最重要嘅招股書,只知獨家保薦人係創陞融資,搞到在場記者都好無奈。
雖然管理層答問題都有紋有路,但無咗招股書,可以話無咗成個記者會靈魂,被問到點解未有招股書就搞PC,首席財務官林冠輝(圖右)就諗咗幾秒,再話夜晚就會有,不過去到噚晚10點鐘,華華都仲未見有招股書出爐囉。

李華華