香港
台灣
北美

暗示被要求做絕育手術
陳豪、茵媺追第四胎耍花槍

娛樂名人 

陳豪嫌三年抱三未夠喉,老婆陳茵媺聞言即撒嬌say no。

陳豪和陳茵媺(Aimee)夫婦三年抱三忙造人,昨日恩愛到圓方出席Tiffany & Co.腕錶概念店活動,密密生的Aimee收身成功靚爆現身,陳豪說:「好耐冇一齊出嚟,太太收埋咗好耐,𠵱家回復狀態係時候亮相。」Aimee則說:「一直都好鍾意拍戲,𠵱家恢復狀態拍電影係好事,開頭都以為自己會唔習慣,可能個心好鍾意工作,好enjoy。」


陳茵媺早前獨湊三子女返加拿大度假。資料圖片


廖子妤(右)反串着西裝,果然比余香凝搶鏡。


薛世恒稱不介意與陳法拉合作。

「多啲嚟密啲手」

Aimee坦言返工時會掛念子女:「但同時間我太熱愛同enjoy工作,覺得係一個成功挑戰。」問到兩公婆會否再合體演出?陳豪說:「電視未係時候,時間太長,一拍就三至四個月,唔見咗個爹哋都算啦,媽咪都唔見埋,咁點得㗎,電影時間唔需要太長,辛苦嘢等我做啦,暫時唔想太太咁辛苦。之前推咗好多夫妻檔廣告同工作,因為覺得當時未係狀態,𠵱家我of course,多啲嚟密啲手。」
陳豪和Aimee有兩子一女幸福家庭,問到是否夠晒數?他笑言:「之前我話多啲嚟密啲手,有人叫我做絕育手術,但一定唔會,生唔生一件事。」Aimee即跟老公耍花槍:「No,for me要做吓嘢先,三個小朋友已經好踢腳,歲數好近。」陳豪有所保留笑笑口:「即使有都唔係𠵱家,遲多幾年先,我哋大家都好鍾意小朋友。」

薛世恒考慮晒肌

此外,同場的陳法拉前夫薛世恒透露有很多電影工作聯絡中,希望角色跟現實中的自己相反,問到可否裸露晒肌?他笑說:「心口以上,但暫時冇呢種製作搵我,相對我比較保守,自己都有操開,唔可以太大隻,如果唔係只可以做大隻佬角色, 我鍾意鋼條形slim啲。」並表示不介意跟法拉合作:「主要睇對方,不過有人搵先算啦。」
採訪:卓寶花
攝影:陳俊強