香港
台灣
北美

鍾鎮濤跟囡囡聽歌

娛樂要聞 

鍾鎮濤大讚囡囡鍾懿唱歌不俗。

鍾鎮濤(阿B)昨日到灣仔影音展舉行HiFi碟試聽會,更與女兒鍾懿在台上合唱,他笑指女兒現時是少女,有點怕醜。阿B笑謂:「佢手都有少少出汗。」他大讚女兒唱歌不俗,聲音響亮但不刺耳,錄音時監製亦大讚:「錄嗰陣我都緊張,會話吓佢,點知監製叫我唔好話佢。」
鍾懿坦言有意當歌手,但會先完成學業,阿B指現時暑假可以盡情玩:「佢聲準、耳仔又好,不過係咪做專業歌手又係另一回事。我𠵱家都係跟佢聽歌,佢叫我聽Justin Bieber,我叫番佢聽Maroon 5。」至於會否再開演唱會?阿B表示隨緣,又指HiFi碟反應不俗,黑膠版未正式推出已翻單。
採訪、攝影:盧妹