香港
台灣
北美

世紀合唱 紅館爆棚
阿倫Sam《沉默是金》贈林鄭

娛樂名人 

許冠傑(Sam)與譚詠麟(阿倫)兩位殿堂級歌手首度合作由藝能製作主辦的「阿Sam&阿Tam Happy Together演唱會」,昨晚在紅館開鑼,捧場客有鄺美雲、李克勤夫婦外,還有特首林鄭月娥。


開騷前阿倫和阿Sam(右)跟特首林鄭月娥在後台玩自拍。


阿Sam在台上被女舞蹈員圍着跳舞。


阿倫不但表演彈琴,更在台上載歌載舞。

明克勤心情

演唱會於晚上8時半開騷,全場爆滿,開場時先播出許冠文的錄影片段:「我好興奮,一生人冇聽過佢兩個唱歌畀我聽。」阿倫與阿Sam戴黑超穿長褸出場,阿倫彈鋼琴及阿Sam彈結他,合唱John Lennon經典名曲《Imagine》揭開序幕,接住二人再唱《The Long and Winding Road》,之後脫去長褸唱《最佳拍檔》、《笑看人生》等名曲,唱到《最緊要好玩》時,更行近觀眾席握手。
阿Sam說:「觀眾好興奮,我就有個口號希望同大家講。」阿倫聞言即說:「吓!今晚有長官喺度喎。」阿倫指明白當年與李克勤開騷時對方的心情,因可以跟偶像唱歌。


阿倫(右)與阿Sam昨日在紅館開騷,二人脫下長褸後唱出多首經典歌曲。

自嘲午餐肉

阿倫又指自己25歲,阿Sam則28歲,二人有4個共通點,他說:「啲人話如果我哋唱晒啲廣東歌可以唱七晚。第二係fans夠熱情、第三大家打band出身、第四係大家都係屋邨長大。我哋係美男子,雖然出面競爭好大,好多小鮮肉,但小鮮肉唔襟擺,但我哋係午餐肉,幾時開幾時食,有防腐劑。」
之後阿倫指Sam有位fans到場,阿Sam即謂:「係呀,林鄭月娥。所以專登唱首《沉默是金》畀佢聽,佢係我師妹,以前都鍾意唱歌畀師妹聽,驚佢唔聽晒就走,所以𠵱家唱咗畀佢聽先。」
採訪:王連連
攝影:陳慧安、陳俊強