香港
台灣
北美

感激向華勝提攜

娛樂名人 

程東近年在內地拍劇,笑言仍未有人找他演父親角色。

程東在內地發展拍劇,當年發掘他演出幕前的是已故的向華勝,他說:「我要感恩嘅呢個人係向華勝先生,搵我轉演員,佢對我喺呢個行業提攜咗好多。」當年程東只是向華勝旗下一間子公司的製片,忽然有日找他登大銀幕,造就他演員的生命,拍了第一部電影《獄中龍》。
程東另一位要感激的是王晶,他笑說:「嗰日去到片場拍《賭俠》,晶哥話你今日扮女人,我話得唔得㗎,估唔到又得咗,呢部係我第一部喜劇。」數到當年惡人,程東自然是一份子,出位的還有成奎安、龍方等,「呢兩位兄弟都走咗。」以往在香港除喜劇外,演的就是黑社會大佬,近年在內地卻有不同,他笑說:「內地嘅戲我有轉型,會去番啲你意想唔到嘅位,例如做商家、政治家,不過仲係好多人都未捨得搵我做老竇囉。」
採訪:Sapna


【90年 傍華仔】
程東首部電影,就是和劉德華(左)合作《獄中龍》。


【90年 扮女人】
程東在《賭俠》扮女人,令人笑到噴飯。


【94年 跟伊健】
擅演惡人的程東,於《新英雄本色》演鄭伊健(右)手下。

相關新聞