› 選擇地區
三藩市
紐約
洛杉磯
其他美國地區

【落選港姐仲吸睛 (3)】
爆評審齋睇泳照篩選?Serena唔入圍賴電話收得差

娛樂名人 

介紹完兩個活動十足嘅女仔俾大家之後,最後一名出場嘅,有今年25歲、較為文靜嘅呂祖兒(Serena Segadelli)。


Serena於上環開始了藝術教室,外牆的壁畫,也是出自她的手筆。

現職藝術導師嘅Serena,係一名中英混血兒,問到佢點解唔參加外國嘅選美,反而返香港參選港姐?Serena話:「我會選擇喺香港選美,因為香港小姐嘅特色,就係標榜美貌與智慧並重,有深度啲有內涵啲,唔係淨係靚嗰一面。」Serena仲話以往mix嘅港姐唔多,覺得自己呢點,好代表到香港:「因為mix嘅港女唔係好多,香港係一個多元文化嘅社會,可能呢方面都好代表到香港。」

Serena面對鏡頭仲係唔多自然,佢都話要再學習點樣去表現自己,問到佢係咪因為咁,所以令佢未能晉級,Serena話:「有冇入到圍我都唔係100% sure,因為我屋企唔係好收到電話,我試過打返去TVB,但佢唔比我查。」講到入咗圍嘅12位港姐已經見咗傳媒,Serena先話:「都對自己有少少失望啦,可能同TVB溝通得好啲嘅話就會清晰啲,同埋好明顯自己嘅準備係唔足夠。」


是港英混血兒的Serena,兒時於中環長大,大學時期轉到英國升學。


這些畫作均是Serena的學生所畫,他們只有三歲。


Serena自言自少就喜歡美麗的事物。


不太懂得面對鏡頭的Serena,見到攝影師拍照時,頓時緊張起來。


施熙瑜是Serena今次參選香港小姐的提名人。


Serena兒時相當可愛。

採訪:倩宜、何慧斯
協力:Rachel
攝影:陳順禎

相關新聞