› 選擇地區
三藩市
紐約
洛杉磯
其他美國地區

新加坡小姐16強出爐
網民:醜到無法直視

娛樂名人 

每年8、9月,都係唔少國家嘅選美季節,新一屆港姐已經積極培訓備戰,今屆雖然養眼佳麗唔算多,但相對其他國家,原來已經屬超班。

「新加坡小姐選美賽」日前16強入圍佳麗照片曝光,不過照片一出,就俾網民狠批質素低落,慘不忍睹。有網民留言:「醜到無法直視」、「新加坡美女原來全部是阿姨。」

對於網民嘅批評,主辦方表示,美貌唔係代表一切,心地善良先係最緊要,會評估佳麗對社會嘅貢獻。為咗平息「民怨」,主辦方事後喺facebook留言「世上沒有醜女人,只有懶女人」,話會重新包裝同訓練呢班入圍佳麗。至於有部份佳麗就指網民留言令佢哋「受傷了」。

而喺唔少合照中都戴著眼鏡、被批評嘅一位佳麗,則聲稱因為自己是研究生,眼睛敏感、近視嚴重,所以必須帶著眼鏡上陣。其實呢位「眼鏡佳麗」喺才藝表演環節時,亦遭到唔少人批評,話佢將急救作為才藝嘅一種,之後仲入埋16強!