› 選擇地區
三藩市
紐約
洛杉磯
其他美國地區

隔牆有耳:
碧雲姨 劉國勳 補選前哨戰爆seed 
火花四濺 休會收場 - 李八方

專欄專論 

政府出手入稟,最終法庭先後DQ六個民主派議員,外界當然好關心稍後出現嘅補選會幾時進行?若然一次過搞晒兩次補選,立法會形勢肯定大變,而呢場DQ風暴,噚日則喺議事廳惹起風波,民主黨黃碧雲同民建聯劉國勳互相爆seed指罵「躝癱」同「潑婦」,火花四濺下嘅會議最終休會收場。

劉大鬧潑婦

立法會政制事務委員會噚日討論新一屆區議會選舉等建議,黃碧雲喺討論「其他事項」時要求政府回應幾時搞補選,委員會主席廖長江多次指,政府可以決定答定唔答,碧雲姨叫佢唔好阻住官員答問題,廖長江開始着火:「我唔係唔畀官員答,請你收聲。」
其後民建聯劉國勳發言時加入戰團,話民主黨咁快「吼住」個補選,碧雲姨不滿劉國勳咁話佢,覺得唔應該猜度佢動機,要求主席裁決時爆seed:「民主黨抗議民建聯呢個『躝癱』隨便含沙影射民主黨。」
其後輪到劉國勳發難,大鬧碧雲姨係「潑婦」,但佢都收回上述言論,廖長江則幫拖話劉國勳只係話個「黨」吼住個補選,唔係話「議員」,唔覺得劉國勳言論有問題,碧雲姨此時更激動,不滿廖長江偏袒。
由於大家情緒不穩,廖長江最終決定會議不能繼續,宣佈休會。

李八方