香港
台灣
北美

【馮仁昭四圍超】
阿澤執導MV兼任男主角 
江若琳濕身痛哭

娛樂名人 

拍淋浴痛哭戲,江若琳投入到唔需要休息。

江若琳(Elanne)同男友「生煎包王子」蕭潤邦(Oscar)打得火熱,唔單止愛情得意,就連事業都一帆風順,回歸香港樂壇接連獲前輩出手相助,繼主打歌《小燈塔》請到偶像周慧敏為劇場版錄旁白,新歌《思念做宵夜》MV就搵到老友鬼鬼嘅杜汶澤執導,認真夠晒面子。
兩人曾合作拍電影《高舉.愛》,江若琳表示:「呢首係比較哀傷嘅失戀歌,未完成錄音已經諗起杜生,希望係《高舉.愛》嘅延續,以一個妻子思念死去嘅丈夫為故事大綱。」早前江若琳為奇妙電視節目《杜汶澤食住上》做嘉賓,即刻反客為主邀請阿澤:「我同佢講『做我MV男主角好唔好?』佢立即話好吖,我跟住問佢做埋導演好唔好?佢又話好吖,我仲以為佢講笑,點知佢馬上叫助手安排時間開會,相當有義氣。」


為咗MV,就算喺35度高溫下,阿澤都認真執導。


江若琳話,邀請阿澤做MV男主角,對方爽快應承。

日曬雨淋

阿澤很認真執導MV,足足拍咗兩日,江若琳話:「日曬雨淋都經歷晒,第一日好熱,氣溫有35度,第二日就落黃雨,真係難為咗導演。」據知江若琳有場淋浴戲,孤獨痛哭表現專業,導演問佢使唔使休息,佢都話唔需要。
撰文:馮仁昭