香港
台灣
北美

中環在線:
貪靚郭少明 少做運動 - 李華華

財經要聞 

孫明揚、郭少明、郭太羅桂珍齊賀呂錦傑做老闆。 張志華攝

家陣人人想有個靚body,健身中心亦大行其道。教育局前局長孫明揚女婿呂錦傑有份投資嘅健身中心噚日開張大吉,除咗孫明揚,莎莎(178)主席郭少明兩夫婦亦有到賀,不過3位「老友記」竟然話好少做運動。照咁講,主人家送永久VIP會籍畀佢哋,睇嚟無用武之地。
72歲嘅孫明揚少做運動都可以理解,不過,郭氏夫婦只係年過花甲,又話貪靚,好緊張自己身形,點知原來佢哋都好少做運動。郭少明最多閒時去gym room拉筋,郭太就話自己對腳唔聽話,唔做得劇烈運動。咁游乾水(打麻雀)有喇啩?郭生都話:「冇呀,最多鬥吓地主咋。」

孫公女婿gym room開張

剪綵儀式尾聲,健身中心向3位送上永久VIP會籍,郭少明笑住話,自己雖然做化妝品生意,注重外在美,但強調內在美同樣重要。
其實,郭少明兩夫婦呢日以業主身份到賀,健身中心租用郭氏夫婦喺銅鑼灣嘅私人投資物業「V Point」一樓全層約7,000呎地方。
郭少明笑指,V Point全幢商廈多數租畀食肆,佢同健身中心傾租約時,見對方團隊專業,個個身形好,佢希望有間健身中心喺度,餐廳人客食飽後,都會考慮走去做運動,順便帶動人流,一舉多得咁話。

李華華
mailto:LiWaWa@AppleDaily.com

相關新聞