香港
台灣
北美

中環人潮食:去蘇杭街飲湯

財經要聞 

多士餐的西湯湯料算豐富,女士應該夠飽。 高淑嫻攝

唔行唔知,上環蘇杭街原來有好多食晏嘅選擇,上個月又新開一間「SOUPRB Café」,一睇店名都估到,呢間餐廳主要提供湯類同咖啡。
家陣天時暑熱,有時食晏,真係唔想熱辣辣咁食粉飯,齋食三文治又好似太乾,呢間餐廳都幾特別,多士配不同款式嘅西湯。幫襯呢日有羅宋湯、南瓜湯、蘑菇栗子湯、墨西哥雞肉湯。叫咗一個多士餐(69蚊),湯料算豐富,女士應該夠飽;呢度亦有飯餐提供,但份量唔算大,男士可能要食下午茶補一補。


餐廳設計簡約。