香港
台灣
北美

隔牆有耳:
胡漢清話地底主權歸內地 - 李八方

專欄專論 

胡漢清
資料圖片

高鐵一地兩檢問題至今未解決,早排基本法委員會副主任梁愛詩話,如果一地兩檢搞唔成,高鐵都冇用,不如炸咗個高鐵站,點知網民個個拍爛手掌支持詩姑。噚日又到基本法研究中心主任、自由黨副主席胡漢清為一地兩檢獻計,話《基本法》冇授權高鐵西九站地底歸香港管轄,所以西九月台可全歸內地管轄!胡漢清呢個地底論一出,立即又俾網民恥笑。
胡漢清噚日喺電台訪問話,港府假設高鐵西九站地底部份屬香港係「跳了步」,佢話《基本法》列明所有領土屬於國家,問題在於授權畀香港部份係邊部份?而1997年國務院行政命令入面,特區區域圖冇提到地底及天空,只包陸地同海上部份,所以佢話香港地底範圍管轄權歸邊個管,係一個好複雜法律問題,仲話地球圓嘅,地底去到邊度屬於你嘅呢?所以西九站月台可全歸內地管轄,地面一層先到歸香港管轄。

網民恥笑

胡漢清呢個地底論一出,立即又俾網民恥笑,有人話以後國安唔使用洗頭艇挾人返大陸,挾落地底就可以逼供;又有人問如果有人喺月台犯法,咁跟香港法例定大陸法例?仲有人揶揄,咁多商場起落地底係咪非法侵奪國家土地?使唔使拉晒落地底用中國法律審?

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk