香港
台灣
北美

隔牆有耳:
記協ball 薯片帶全場叫「頂」 - 李八方

專欄專論 

薯片叔、曾志豪同胡官叫全場大叫一聲「頂」。王子俊攝

香港記者協會噚晚係灣仔君悅酒店舉行49周年籌款晚會,主題係「真相」,以表達混沌世態中,傳媒尋求真相嘅重要性,今次記協筵開56圍,唔少政商界都畀面出席,不過講到搵真相,當然要搵前法官胡國興做主禮嘉賓。
胡官話雖然做唔到特首,但佢話心情輕鬆,日日湊孫放狗。佢仲學瑜伽,主攻倒立,講笑話希望喺重啟政改前學識倒立畀大家睇,之後胡官嘆咗口氣話,睇怕都唔知幾時先識倒立,重啟政改遙遙無期,又寄語記者努力尋真相,提到自己當年做法援嗰陣,幫3個打劫銀行疑犯打甩官司,之後幾個犯露出狡猾笑容,話真係有打劫。
之後在場嘅曾俊華,仲上台同胡官大談周浩鼎,仲叫全場大叫一聲頂,胡官仲話,鼎之前解釋點解俾梁振英改委員會文件,根本就好似被告人教控方大狀點盤問自己,胡官仲抽水話希望現場大狀水準高啲。記協今次籌款晚會,預計可籌得約40萬元。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk