香港
台灣
北美

隔牆有耳:
泛民愛回家? 
餞梁宴拒入席 - 李八方

專欄專論 

梁振英
資料圖片

職場慣例,當一個人即將離開佢嘅工作崗位,同事們都會為佢搞番場歡送派對,而呢場歡送派對就好顯示到呢個人同其他同事嘅關係有幾好。立法會噚日出咗張通告,話主席梁君彥將會喺下個月16號做東,設宴為特首梁振英餞別,大家估吓最終又有幾多人去?

胡志偉:見前面憎佢後面

呢場餞別午宴會喺6月16日下午舉行,首先12點半有場餐前酒會,然後1點鐘開飯,地點當然係立法會嘅宴會廳啦,獲邀嘅除咗立法會議員外,仲有行政會議成員同埋一眾主要官員。
立法會裏面班「梁粉」唔使問都知就係飛身撲埋去啦,問題係民主派現唔現身呢?民主黨主席胡志偉同八方講,見到梁振英前面就憎埋佢後面,喺電視機見到梁振英就直頭想掟爛部電視,咁你話佢想唔想去呢?輪到公民黨黨魁楊岳橋,佢就畀咗4個大字八方:「集體杯葛」。雖然胡志偉同楊岳橋都冇話唔畀黨友去,但八方都好明白,邊會有人想食嘢嗰陣見到梁振英呢?

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk