香港
台灣
北美

爆大鑊!禪師喺紐約人有幾唔掂?

即時體育 
2017-10-13 08:09:10 HKT

曾經幫公牛同埋湖人夾埋贏過11次總冠軍嘅「禪師」積遜(Phil Jackson),曾經何時喺美國籃球壇嘅地位都真係舉足輕重嘅。不過,佢老人家近年喺紐約人做總裁嘅表現又真係大家都有眼睇嘅。美國傳媒近日就有多人爆料,指積遜喺紐約人做總裁果三年,幾乎各方面嘅表現都係災難性嘅,下面係其中幾個例子。

●積遜曾經同自由身球員會面,游說佢哋加盟紐約人,但係事前完全無做準備工作,講嘢又無方向兼無組織,有部分球員喺離開會面場地時嘅感覺都係難以置信;
●上季交易期限過咗之後,有一位NBA總經理對積遜嘅評價係:「完全搞佢唔掂,佢癲㗎!」估計係同積遜喺商討球員交易期間,禪師開天殺價嘅行為有關;
●喺今年6月嘅選秀會前,一位選秀前列球員同《ESPN》嘅NBA分析員爆料,話積遜喺睇佢練習嘅期間......瞓著咗!

喺今年選秀會結束後,紐約人終於將積遜炒魷魚。球隊喺佢擔任總裁嘅三年期間,常規賽戰績係贏80場輸166場,季後賽就梗係無入過喇!

相關新聞