香港
台灣
北美

【國歌爭議】唔尊重國歌? NFL球會老細:唔畀!

即時體育 
2017-10-11 03:00:58 HKT


今晚喺香港大球場舉行嘅亞洲盃外圍賽B組賽事,雖然賽前香港足總呼籲球迷唔好噓國歌,不過現場都有球迷喺播主隊國歌嘅時侯報以噓聲。原來唔只喺香港有關於國歌嘅爭議,遠在美國都有同類事件。

話說美國總統特朗普日前針對美國美式足球聯盟(NFL)球員嘅言論,引嚟NFL部份球員抗議,以賽前播國歌嘅時候單膝跪地以示不滿。NFL其中一支球隊達拉斯牛仔(Dallas Cowboys)嘅班主謝利鍾斯(Jerry Jones)接受訪問嘅時侯就表示唔會容忍自己嘅球員唔尊重國歌,如果有邊位作出唔尊重國歌嘅行為,一律「殺無赦」—唔洗旨意再為球隊落場比賽。

值得留意嘅喺,謝利鍾斯喺9月25號達拉斯牛仔對亞利桑那紅雀嘅NFL聯賽,喺賽前都有同球員手蹺手單膝跪地,不過喺播國歌嘅時侯就起番身。本身個個都以為佢好開通,點知家陣嚟個大轉駄,老細真係好難捉摸呀!

相關新聞