› 選擇地區
三藩市
紐約
洛杉磯
其他美國地區

中環在線:FedEx俾土地問題考起 - 李華華

財經要聞 

FedEx同電盈合作,提供儲物櫃提件服務。 方楚茵攝

香港土地問題有幾嚴重?連大型速遞公司FedEx都話難搞,事關公司一直好積極改善服務,舊年已經諗住提供儲物櫃提件服務,等客人方便攞貨,點知就因為香港租金太貴,最終都係同另一個大碼頭、即係小小超旗下電盈(008)合作。
其實呢類服務喺國內外好早就有,問到點解今次搵電盈合作?FedEx Express香港及澳門董事總經理梁銘添就話,因為喺香港做生意好貴!
佢哋有諗過自己買櫃、租地方擺櫃,但租貴、成本貴,見到電盈兩年前已經有HOP(House of Parcels)項目,仲有晒系統,咁FedEx租對方嘅儲物櫃,就唔使投資咁大。而且今次雙方嘅合作方式好特別,FedEx有一個客用櫃先個計一個租,咁公司就可以慢慢睇市場反應,再決定下一步點發展。
其實都啱嘅,以往人肉速遞上門嘅做法,今時今日未必適用,好多人on call 24小時,邊有得安坐家中收貨,身不由己想喺公司收貨又可能俾老闆詐型,呢類服務只會越來越普及。