› 選擇地區
三藩市
紐約
洛杉磯
其他美國地區

「解決撕裂要從源頭着手」

港聞 

有市民在壁屋監獄外撐黃傘。

【本報訊】民主黨主席胡志偉日前曾提出「特赦和解論」,曾健超坦言在獄中亦有留意有關新聞,「唔係好明白或者同意佢嘅講法」,質疑「大和解」是否有必要,「我知道社會係撕裂嘅,但要解決社會撕裂,一定係要從源頭着手;政府唔畀、或者中國共產黨唔畀普選我哋,呢個就係撕裂嘅源頭」。

指特赦七警難伸張公義

他重申,參與公民抗命的人都願意承擔刑責,而七警的罪行並非單純執行政治任務,因為他們明確犯了傷人罪行,不能以特赦處理。他又指,七警案是雨傘運動中「絕無僅有」能將濫用暴力警員繩之以法的案例,「仍然有好多在逃、未負佢哋刑責或者未需要找數嘅人,我諗法治精神同伸張公義更加重要,大和解唔會係我呢個階段應該諗嘅嘢」。
民主黨昨晚中委會亦討論胡志偉的「特赦和解論」,日前已就此致歉並收回言論的胡志偉昨稱,其主席任期仍有一年半,「點都要向黨有個清晰交代,唔可以當件事好似冇發生過」,又指會繼續出席建制派下月的飯局,認為只須以平常心面對,「大家喺立法會都成日會見到啦,冇乜特別」。他並指民主黨立法會黨團決定,傾向6月4日後、即6月中至林鄭上任期間才與林鄭會面。
■記者紀靜雯、林俊謙

相關新聞