香港
台灣
北美

【馮仁昭四圍超】
邵仲衡驅鬼緝兇喊驚

娛樂名人 

尹揚明、邵仲衡同劉錫賢等噚日為ViuTV新劇《詭探》開工,預計6月出街。

免費電視ViuTV嘅懸疑劇《詭探》近排喺港鐵站貼宣傳海報,海報中飾演識茅山術嘅總督察尹揚明着住警服,但打咗條寫滿符咒嘅領呔。據講劇中演員警服造型原來冇向警察公共關係科申請,所以ViuTV已將海報下架。

「空氣焗促拍到病」

噚日《詭探》演員邵仲衡、尹揚明、劉錫賢、趙碩之同蔣祖曼等喺荔枝角嘅工廈進行拍攝,對於海報下架,尹揚明話:「我影相嘅時候唔係咁,套警服唔係嗰樣嘢。」佢話下架問題係宣傳部嘅事,唔係佢去諗,作為演員只係做好部戲。
喺劇中飾演茅山師傅嘅邵仲衡,從導演口中聽到有同事錯用舊有嘅警服做造型,由於未經申請而攞嚟做宣傳海報,結果搞到海報下架,佢話:「噚日再影過另一批,都見到擺咗幾個禮拜,擺咗咁耐都悶,影過新嘅都好。」
邵仲衡話部劇要拍到下個月,預計6月播出,到時佢哋會到馬來西亞宣傳。邵仲衡喺劇中要驅鬼緝兇,佢話:「話唔驚就有鬼,不過現場有師傅指點,係好資深、壇數好高嘅師傅。」部劇要加電腦特技,由於採取電影拍攝方式,好多時要喺室內關窗拍攝,空氣好焗促,搞到邵仲衡同尹揚明拍到病,真係陰功。
撰文:馮仁昭


尹揚明(右)同邵仲衡要喺室內關窗拍攝,空氣好焗促搞到佢哋拍到病。

緊貼「蘋果VR」熱潮,打開雙眼隨意門,讓「蘋果VR」陪您探索新世界: https://goo.gl/b5RQAB

「蘋果VR」App
App store下載: https://goo.gl/0kW2cK
Google Play下載: https://goo.gl/4K7EHw