› 選擇地區
三藩市
紐約
洛杉磯
其他美國地區

Ball后薛芷倫依然自信
杜汶澤遇怪病禪修休養

娛樂名人 

陳子聰大病過後,漸漸康復,老婆何超儀喺身邊陪住做運動四圍去,生活越嚟越健康。平時聽聽埋埋唔少藝人要追更,連續廿幾三十個鐘拍戲拍劇,工時咁唔穩,又要舟車勞頓,真係易出事㗎。

鄭秀文:
天后Sammi以往對自己要求極高,為保持纖瘦,不惜節食減肥,又唔容許演出有任何差錯,對於其他人批評都好上心,喺各種壓力之下導致抑鬱,幸好佢最終有宗教、朋友幫助,重獲新生。

杜汶澤:
12年阿澤證實患上「米勒費雪症候群」,阿澤病至雙眼現重影、手腳麻痺,上落樓梯都有難度。呢種疾病最嚴重會令患者四肢癱瘓、呼吸困難,甚至窒息,阿澤要即時停工休養兩個幾月,留家打坐禪修,調理身體。

張達明:
達明曾患上鼻咽癌二期,當時妻子何念慈售出西貢獨立屋套現醫病,達明最終戰勝癌魔。之前同農夫一齊開咗幾場「棟篤唱」,可惜當時共同面對病患嘅何念慈,最後卻離婚收場。

薛芷倫:
「Ball后」薛芷倫09年證實患上乳癌,成功擊退癌魔卻留下後遺症,面容改變、身體潰爛。病癒嘅薛芷倫仍然堅強有自信,不時打扮靚靚出席活動。

黃浩然:
黃浩然因患上罕見嘅「貝塞特氏症」,體重一度跌至136磅,無奈退出大台劇集《張保仔》拍攝工作。好番嘅黃浩然落力工作,o依家播嘅《我瞞結婚了》就可以搵到佢身影。