香港
台灣
北美

宣萱重頭劇煞科
袁偉豪着孖煙囪晒肌吸睛

娛樂名人 

被大台力捧嘅袁偉豪,早前接拍重頭劇《使徒行者2》,同苗僑偉、陳豪、宣萱、周柏豪及黃翠如等合作。回巢嘅宣萱前晚終於煞科喇,喺微博放咗三張相,其中一張同台前幕後嘅大合照,見到身材fit爆嘅袁偉豪剩係着住條紅黑色「孖煙囪」晒肌,都幾搶眼。

其實前晚天氣仲係乍暖還寒,相信袁偉豪都係為拍劇先着到咁,但拍完都唔着番件衫,擺明就係要騷吓Quali啦,話晒佢都係07年香港先生,加上o依家係單身人士嘛。昨日輪到袁偉豪同宣萱拍完收工,袁偉豪喺ig再派福利,喺翠如BB面前剝衫,留言﹕「開心到一個點!」

而宣萱就好不捨,留言﹕「終於殺青了!但不捨,因為一班很好的台前幕後同事,真心希望再有機會合作。從未試過有花收,感謝超專業的TR梳化團隊!愛你們!」網民讚宣萱Keep得好好,同翠如BB一樣咁青春,仲話好期待佢嘅演出。