› 選擇地區
三藩市
紐約
洛杉磯
其他美國地區

隔牆有耳:
Work Smart田少晒枱抽水 - 李八方

專欄專論 

田少枱面冇紙冇快勞但有薯片喎。田北俊fb圖片

3.26特首投票日前最後一場齊集3位候選人嘅辯論前晚上演,林鄭突然出招暗寸薯片叔hea住做,話每次入親對方辦公室都好羨慕,「佢枱頭冇File、冇紙張」,自己就好忙,有唔少文件要處理。

習總枱面勁企理

唔少市民聽完林鄭咁講,紛紛自拍工作枱頭相片證明冇快勞或冇紙,唔等於好得閒,好似國家主席習近平嘅辦公室,枱面夠好企理冇乜文件咯,唔通佢又係hea住做?
林鄭今次抽擊唔成卻捉蟲,反成為各界抽水議題,好似薯片叔頭號支持者自由黨榮譽主席田北俊咁,喺fb上載咗坐喺工作枱嘅相片,留言「所以我咪無選特首囉」。
點解田少咁講?睇下佢啲hashtag「自己知自己事」、「不是林鄭羨慕的那張枱」、「我又WorkHard又WorkSmart」,一清二楚嘞啩!
有心水清人士推介,睇呢張相一定要睇埋地下,因為放咗《蘋果日報》同《成報》,田少呢種高深玩法,一般人唔多識玩!