› 選擇地區
三藩市
紐約
洛杉磯
其他美國地區

中環在線:
東亞董事會有6個李國X - 李華華

財經要聞 

李國寶(右)同李國章都係東亞董事會成員。 資料圖片

自從大孖沙獨董陸續退任後,東亞(023)近排密密委任新獨董,提高董事會成員嘅獨立性,噚日就委任李國本為獨董。
一睇個名,唔知係咪主席李國寶親戚,但通告就寫明,佢同銀行其他董事(即係李國寶等人)冇任何關係,之但係點解咁啱得咁蹺,連埋佢董事會家陣有6人叫做「李國X」,認真過癮。
49歲嘅李國本係聯業製衣總裁,亦係貿易通(536)非執董,公職包括生產力促進局理事會成員等,擁有牛津大學博士學位。無獨有偶,舊年8月東亞委任李國榮做獨董,雖然又係叫「李國X」,但通告話佢同其他董事冇乜關係。
介紹番,目前東亞董事會有李國寶、細佬李國章、堂弟李國星、堂弟李國仕,都仲未計囝囝李民橋同李民斌,真係好多姓李嘅人。