› 選擇地區
三藩市
紐約
洛杉磯
其他美國地區

中環在線:
譚校長新歌賀謝瑞麟80大壽 - 李華華

財經要聞 

譚詠麟(右)周日出席謝瑞麟生日晚宴。

謝瑞麟(417)今年好多喜事,撞正今年公司上市30周年,兼創辦人謝瑞麟80大壽。謝瑞麟縱橫珠寶界多年,聽公司內線人講,唔少人叫佢做「珠寶工藝界校長」,咁要賀佢大壽,自然要搵樂壇校長譚詠麟唱歌賀吓佢喇!
據知,謝瑞麟周日舉行生日晚宴,譚校長唔係就咁去唱首歌咁簡單,仲搵埋著名音樂人嚴勵行(Johnny Yim)同填詞人簡嘉明特別創作首粵語主題曲《不朽傳奇》。
公司話未有譚校長唱歌嘅片睇,華華就睇咗歌詞,頭幾句「鑽飾金飾融會著記憶,愛的心跡」都同業務幾夾,加埋「跌低必須爭氣,贏人生的福氣」都講盡公司近年經歷好多風風雨雨,點樣翻身,難怪話要憑歌將謝瑞麟嘅精神傳承落去。